 |
|
|
|
ÍNDICE
II
Este é o Prologo das Cantigas de Santa Maria, ementando as cousas que a mester eno trobar.
Porque trobar é cousa en que jaz
entendimento, poren queno faz
ao d'aver e de razon assaz,
per que entenda e sabia dizer
o que entend' e de dizer lle praz,
ca ben trobar assi s'a de ffazer.
E macar eu estas duas non ey
com' eu querria, pero provarei
a mostrar ende un pouco que sei,
confiand' en Deus, ond' o saber ven,
ca per ele tenno que poderei
mostrar do que quero alguna ren.
E o que quero é dizer loor
da Virgen, madre de nostro Sennor,
Santa Maria, que ést' a mellor
cousa que el fez; e por aquest' eu
quero seer oy mais seu trobador
e rogo-lle que me quiera por seu
Trobador e que queira meu trobar
reçeber, ca per el quer' eu mostrar
dos miragres que ela fez; e ar
querrei-me leixarde trobar des i
por outra dona, e cuid' a cobrar
per esta quant' enas outras perdi.
Onde lle rogo, se ela quiser,
que lle praza do que dela disser
en meus cantares e, se ll'aprouguer,
que me dé gualardon com' ela da
aos que ama; e queno souber,
por ela mais de grado trobará.
1.- Esta é a primeira cantiga de loor de Santa Maria, ementando os VII goyos que ouve de seu Fillo.
Des oge mais quer' eu trobar
pola Sennor onrrada,
en que Deus quis carne fillar
beneyta e sagrada,
por nos dar gran soldada
no seu reyno e nos er dar
por seus de sa masnada
de vida perlongada,
sen avermos pois a passar
per mort' outra vegada.
E poren quero començar
como foy saudada
de Gabriel, u lle chamar
foy: "Ben aventurada
Virgen, de Deus amada,
do que o mund' a de salvar
ficas ora prennada;
e demais ta cunnada
Elisabeth, que foi dultar,
é end' envergonnada".
E demais quero-ll' enmentar
como chegou canssada
a Belleem e foy pousar
no portal da entrada,
u paryu sen tardada
Jesu-Crist', e foy-o deytar,
como moller menguada,
u deytan a cevada,
no presev', e apousentar
ontre bestias d'arada.
E non ar quero obridar
com' angeos cantada
loor a Deus foron cantar
e "paz en terra dada";
nen como o contrada
aos tres Reis en Ultramar
ouv' a strela mostrada,
por que sen demorada
veneron sa offerta dar
estranna e preçada.
202.- Esta é como un clerigo en Paris fazia huna prosa a Santa maria et non podia achar huna rima, et foi rogar a Santa Maria que o ajudasse y, e acho-a logo et a Magestade lle disse : "Muitas graças".
Muito á Santa Maria, / Madre de Deus, gran sabor
d' ajudar quen lle cantares / ou prosas faz de loor.
Daquest' ora un miragre / oy, pouc' á, retraer
que a un arcidiago / aveno, que gran prazer
avia en fazer prosas / de ssa loor e dizer
sa bondad' e ssa mesura / e seu prez e ssa valor.
El huna prosa fazia / que era feita mui ben,
se non fosse huna rima / soa que minguava en;
e achar nona podia, / e cuidava que per ren
per el ja non ss' acharia, / nen por outro sabedor.
El ja por desasperado / de ss' aquela rim' achar
per ome daqueste mundo / foiss' enton a un altar
da Virgen Santa Maria / e começou-ll' a rogar
de ss' acabar esta prosa / que lle foss' ajudador.
Ca ella era ben feita / de ssa loor e de Deus
e de com' a Trinidade / entendessen os encreus;
e el dar non lle podia / neun cabo, mas os seus
genollos ficou que ella / foss' ende acabador.
Estand' el assi en prezes / veno-lle a coraçon
a rima que lle minguava, / que era de tal razon
en latin e que mostrava : / "Nobile Triclinium".
E non avia palabra / que y fecesse mellor.
Pois ouv' a pros' acabada, / Santa Maria loou
que lla tan ben acabara / e con gran prazer chorou.
Mais a cabo duna peça / a omage s'enclinou
dela e mui passo disse : / "Muitas graças, meu sennor".
Este miragre que Santa / Maria demostrar quis
conteceu, non á gran tempo, / na cidade de Paris;
e veredes a omagen, / por seerdes en mais fis,
oge dia enclinada / estar dentr' en San Vitor.
18.- Esta é como Santa Maria fez fazer aos babous que crian a seda duas toucas, porque a dona que os guardava lle prometera huna e non lla dera.
Por nos de dulta tirar
praz a Santa Maria
de seus miragres mostrar
fremosos cada dia.
E por nos fazer veer
sa apostura,
gran miragre foi fazer
en Estremadura,
en Segovia, u morar
huna dona soya,
que muito sirgo criar
en ssa casa fazia.
Porque os babous perdeu
e ouve pouca
seda, poren prometeu
dar huna touca
per a omagen onrrar
que no altar siia
da Virgen que non á par,
en que muito criya.
Pois que a promessa fez,
senpre creceron
os babous ben dessa vez
e non morreron;
mas a dona con vagar
grande que y prendia,
d' a touca da seda dar
sempre ll' escaecia.
Onde ll' a veno assi
ena gran festa
d' Agosto, que veno y
con mui gran sesta
ant' a omagen orar;
e ali u jazia
a prezes, foi-lle nenbrar
a touca que devia.
Chorando de coraçon
foi-sse correndo
a casa, e viu enton
estar fazendo
os bischocos e obrar
na touca a perfia,
e começou a chorar
con mui grand' alegria.
Poren don Affons' el Rei
na ssa capela
trage, per quant' apres' ei,
end' a mais bela,
que faz nas festas sacar
por toller eregia
dos que na Virgen dultar
van per sa gran folia.
41.- Esta é como Santa Maria guareceu o que era sandeu.
A Virgen, Madre de Nostro Sennor,
ben pode dar seu siso
ao sandeu, pois ao pecador
faz aver Parayso.
En Seixons fez a Garin cambiador
a Virgen, Madre de Nostro Sennor,
que tant' ouve de o tirar sabor
a Virgen, Madre de Nostro Sennor,
do poder do demo, ca de pavor
del perdera o siso;
mas ela tolleu-ll' aquesta door
e deu-lle Parayso.
Gran ben lle fez en est' e grand' amor
a Virgen, Madre de Nostro Sennor,
que o livrou do dem' enganador,
a Virgen, Madre de Nostro Sennor,
que o fillara como traedor
e tollera-ll' o siso;
mas cobrou-llo ela, e por mellor
ar deu-lle Parayso.
Loada ser mentr' o mundo for
a Virgen, Madre de Nostro Sennor,
de poder, de bondad' e de valor,
a Virgen, Madre de Nostro Sennor,
porque a ssa mercee é mui mayor
ca o nosso mal siso,
e sempre a seu Fill' é rogador
que nos dé Parayso.
107.- Como Santa Maria guardou de morte huna judea que espenaron en Segovia; e porque sse accomendou a ela non morreu nen se firiu.
Quen crever na Virgen Santa,
ena coita valer-ll-á.
Dest' un miragr' en verdade,
fez en Segovi' a cidade
a Madre de piadade,
qual este cantar dira.
Duna judea achada
que foi en err' e fillada
e a esfalfar levada
duna pena qu' i está
Muit' alta e muit' esquiva.
E ella diss' : "Ai, cativa,
como pode ficar viva
quen daqui a caer á,
Senon se Deus xe querria!
Mas tu, Reyna Maria,
u chrischanydade fia,
se tal es com' oy ja
Que acorre-las coytadas
que ti son acomendadas,
ontre toda-las culpadas
val a mi, ca mester m' á".
Os judeus que a levaron
na camisa a leixaron
e logo a espenaron,
dizendo : "Alá yrá!".
Mais pois dali foi cauda,
da Virgen foi acorruda;
poren non foi pereçuda,
pero caeu long' alá.
192.- Como Santa Maria livrou unu mouro a que queria fillar o demo, e feze-o tornar crischano.
Muitas vegadas o dem' enganados
ten os omes, porque lles faz creer
muitas sandezes; e taes pecados
desfaz a Virgen por seu gran saber.
E desto contado / vos ser per mi
miragr' e mostrado / quant' end' aprendi,
fremos' aficado, / e ben ascuitado
será, per meu grado, / e dev' a seer,
que o muit' onrrado / Deus, e acabado
pola de que nado / foi, quiso fazer.
En Consogr' avia / un bon am' atal
que Santa Maria / amava mais d' al,
e mui gran perfia / por ela prendia
sempre cada dia, / com' oy dizer,
con un d' Almaria / mouro, que dizia
que ren non valia / o seu gran poder.
Aqueste mour' era / daquel om' e seu
cativo, e fera- / ment' era encreu;
e ja o quisera / de grad' e fezera
crischano e dera- / lle de seu aver.
Mais non podera, / macar lo dissera,
con el, ca tevera / sempr' en descreer
Ena Groriosa, / e a razonar
mal e soberbiosa- / ment' e desdennar
que era 'nganosa / muit' e mentirosa
sa fe e dultosa / e sen prol tener;
e tal revoltosa / cous' e enbargosa
e d' oir nojosa / non é de caber.
124.- Como Santa Maria guardou un ome que apedraron que non morresse ata que sse menfestasse, porque jajunava as vigias das sas festas.
O que pola Virgen leixa / o de que gran sabor á
sempre aqui lle demostra / o ben que pois lle fará.
E dest' un mui gran miragre / vos contarei, que oy
dizer aos que o viron, / e o contaron assi
como eu vos contar quero; / e, segun com' aprendi,
demostrou Santa Maria / ena terra que está
Mui preto d'ambo-los mares, / do gran que corr' arredor
da terra e ar do outro / que â chamado Menor;
e mostrou Santa Maria, / Madre de Nostro Sennor,
por un ome. E quen esto / oyr, sabor averá
De jajuna-la ssa festa / de março, com' este fez,
que a jajunou gran tempo. / Mas porque foi a Xerez
e a Sevilla quand' eran / de mouros, mais duna vez,
foi acusado e preso, / porque sen mandad' alá
Fora, e que o matassen / logo, u non ouvess' al,
e que foss' apedreado / porquefezo feito tal.
E ferindo-o, chamava / a Reynna sperital,
dizendo: "Ay, Sennor, val-me, / ben como valiste ja
A aqueles que sse fian / en ti mui de coraçon,
e por aquesto non queras / que moira sen confisson,
ca eu sempr' en ti fiando / receb' aquesta paixon."
Enton os que o matavan / disseron: "E que será" [...]
194.- Como Santa Maria livrou unu jograr dunus que o querian matar e lle querian fillar o que tragia.
Como o nome da Virgen / é aos bonos fremoso,
assi é contra os maos / mui fort' e mui temeroso.
Dest' aveno un miragre / en terra de Catalonna
dun jograr que ben cantava / e apost' e sen vergonna;
e andando pelas cortes, / fazendo ben sa besonna,
a casa dun cavaleiro / foi pousar cobiiçoso,
Que lle deu aquela noite / ben quanto mester avia.
Mais da besta e dos pannos / que aquel jograr tragia
aquel cuteif' avarento / tal cobiiça ll' en crecia,
que mandou a un seu ome / mao e mui sobervioso
Que lle tevess' a carreira / con outro de ssa conpanna
en un lugar encuberto / dentr' en alguna montanna.
E esto fez el de grado, / ca xo avia por manna,
ca en fazer maos feitos / non vos era vagaroso;
E dessa natura mesma / levou sig' un conpanneiro.
E o jograr espediu-sse / mannana do cavaleiro;
e des que foi no camyno / e o viron yr senlleiro,
aqueles dous o prenderon / en un lugar mui fragoso.
260.- Esta é de loor de Santa Maria.
Dized', ai, trobadores,
a Sennor das sennores,
porqué a non loades?
Se vos trobar sabedes,
a por que Deus avedes,
porqué a non loades?
A Sennor que d vida
e é de ben comprida,
porqué a non loades?
A que nunca nos mente
e nossa coita sente,
porqué a non loades?
A que é mais que bona
e por que Deus perdona,
porqué a non loades?
A que nos da conorte
na vida e na morte,
porqué a non loades?
A que faz o que morre
viv' e que nos acorre
porqué a non loades?
47.- Esta é como Santa Maria guardou o monge, que o demo quis espantar por lo fazer perder.
Virgen Santa Maria,
guarda-nos, se te praz,
da gran sabedoria
que eno demo jaz.
Ca ele noit' e dia / punna de nos meter
per que façamos erro, / porque a Deus perder
ajamo-, lo teu Fillo, / que quis por sofrer
na crux paxon e morte, / que ouvessemos paz.
E desto, meus amigos, / vos quer' ora contar
un miragre fremoso, / de que fix meu cantar,
como Santa Maria / foi un monge guardar
da tentaçon do demo, / a que do ben despraz.
Este mong' ordynado / era, segund' oy,
muit', e mui ben sa orden / tinia, com' aprendi;
mas o demo arteiro / o contorvou assy
que o fez na adega / bever do vyn' assaz.
Pero beved' estava / muit', o monge quis s' ir
dereit' aa eigreja; / mas o dem' a sair
en figura de touro / o foi, polo ferir
con seus cornos merjudos, / ben como touro faz.
195.- Como Santa Maria fez que onrrassen o cavaleiro que morreu no torneamento, porque guardou a sa festa.
Quena festa e o dia / da mui Groriosa
quiser guardar todavia, / seer-lle piadosa.
E desto contado
per mi mui de grado
ser e mostrado
que a que nos guia,
a mui Preciosa,
fez miragre sinaado,
come poderosa,
Duun bon cavaleiro
d' armas, que senlleiro
con seu escudeiro
a un tornei ya
e viu mui fremosa
menyna en un terreiro
e muit' amorosa.
El nunca quisera
casar, mas mui fera-
mente garçon era;
poren lle fazia
ssa luxuriosa
voontade que ouvera
sempr' e boliçosa,
Que a cobiiçasse
e sigo levasse,
e que averia
noite mui viçosa,
se con ela albergasse,
e mui saborosa.
A seu padr' agynna
mandou da menynna,
dessa fremosynna,
que el lle daria
per que menguadosa
nunca fosse nen mesquyna,
mais sempr' avondosa.
282.- Como Santa Maria acorreu a un moço de Segobia que caeu dun sobrado mui alto, e non se feriu porque disse : "Santa Maria, val-me".
Par Deus, muit' á gran vertude / na paraula
comunal
u dizen todos nas coitas ; "ai, Santa Maria, val !"
E daquest' un seu miragre / mui fremoso contarey
que mostrou grand' en Segobi' a, / com' eu en verdad' achey,
un fillo de Diag' Sanchez, / un cavaleiro que sey
que na cidade morava / e era en natural.
Est' avia un seu fillo / que amava mais ca ssi;
e un dia trebellando / andava, com' aprendi,
encima duun sobrado / muit' alt', e caeu daly
de costas, cabeça juso, / e foi caer ena cal.
A ama que o criava / foi corrend' a aquel son
do menyno que caera, / e o padre dog' enton;
e outrossi fez a madre, / que o mui de coraçon
amava mais d' outra cousa / como seu fillo carnal.
Coidando que morto era / e foron polo fillar.
E quando pararon mentes, / virono en pe estar
trebellando e riindo, / e forono preguntar
se era ja que ferido / ou se sse sentia mal.
Diss' el : "Non, ca en caendo / chamey a Madre de
Deus,
que me fillou atan toste / logo enos braços seus;
ca sse aquesto non fosse, / juro-vos, par San Mateus,
que todo fora desfeito / quando cay, come sal."
279.- Como el Rei pidiu mercee a Santa Maria que o guarecesse duna grand' enfermidade que avia; e ella, como Sennor poderosa, guareçé-o.
Santa Maria, valed', ai, Sennor,
e acorred' a vosso trobador,
que mal lle vai.
A tan gran mal e a tan gran door,
Santa Maria, valed', ai, Sennor,
como soffr' este vosso loador;
Santa Maria, valed, ai, Sennor,
e san' é ja, se vos en prazer for,
do que diz "ai".
Pois vos Deus fez d'outra cousa mellor
e vos deu por nossa rezonador,
seede-mi ora, bon' ajudador
en est' enssay.
Que me faz a mort', ond' ei gran pavor,
e o mal que me ten tod' enredor,
que me fez mais verde mia coor
que dun canbrai.
Que fez enton a galardonador
de todo ben e do mal sanador?
Tolleu-ll' a fever e aquel umor
mao e lai.
142.- Como Santa Maria quis guardar de morte un ome dun rei que entrara por huna garça en un rio.
Ena gran coita sempr' acorrer ven
a Virgen a quen fia en seu ben.
Com' huna vez acorreu ant' el Rey
Don Affonso, com' ora vos direi,
a un ome que morrera, ben sei,
se non fosse pola que nos manten.
Esto foi eno rio que chamar
soen Fenares, u el Rey caçar
fora, e un seu falcon foi matar
en el huna garça muit' en desden.
Ca pero a garça muito montou,
aquel falcon toste a acalçou
e dun gran colb' a aa lle britou,
e caeu na agua, que ja per ren
Os canes non podian acorrer,
ca o rio corria de poder,
por que ouveran a garça' a perder.
Mas el Rey deu vozes: "Quen será, quen?"
401.- Esta é petiçon que fezo el Rey a Santa Maria.
Macar poucos cantares / acabei e con son
Virgen, dos teus miragres, / peço-ch' ora, por don
que rogues a teu Fillo / Deus que el me perdon
os pecados que fige, / pero que muitos son,
e do seu parayso / non me diga de non,
nen eno gran juyzio / entre mig' en razon,
nen que polos meus erros / se me mostre felon;
e tu, mia Sennor, roga- /ll' agora e enton
muit' afficadamente / por mi de coraçon,
e por este serviço / da-m' este galardon.
Pois a ti, Virgen, prougue / que dos miragres teus
fezess' ende cantares, / rogo-te que a Deus,
teu Fillo, por mi rogues / que os pecados meus
me perdon e me queira / reçebir ontr' os seus
no santo parayso, / u éste San Matheus,
San Pedr' e Santiago, / a que van os romeus,
e que en este mundo / queira que os encreus
mouros destruyr possa, / que son dos Filisteus,
com' a seus enemigos / destruyu Machabeus
Judas, que foi gran tempo / cabdelo dos judeus.
 Página
principal |
El
Grupo SEMA |
Volver
al programa |
